رییس اجراییه کشور با شماری از باشندگان ارغستان کندهار دیدار کرد

دوکتور عبدالله عبدالله، رییس اجراییه جمهوری اسلامی افغانستان، امروز (یک‌شنبه، 21 عقرب) در دفتر کارش در قصر سپیدار با شماری از باشنده‌گانِ ولسوالی ارغستان ولایت کندهار دیدار و ملاقات کرد.

در این دیدار، باشنده‌گان ارغستانِ کندهار، پیشنهادها و خواست‌های‌شان را دربارۀ برخی مسایل امنیتی و منطقه‌یی‌شان با رییس اجراییه کشور در میان گذاشتند و خواستار توجه به آنها گردیدند.

دوکتور عبدالله عبدالله، رییس اجراییه کشور، پس از شنیدن مشکلات و پیشنهادهای باشندگان ولسوالی ارغستان ولایت کندهار، بر رسیده‌گی به خواست‌های آنان وعده سپرد.