.jpg)
سپیدار-کابل: جلالتمآب دکتور عبدالله عبدالله رییس اجراییه جمهوری اسلامی افغانستان امروز (پنجشنبه ۱۹ میزان/ ۱۳۹۷) برای اشتراک در هفدهمین اجلاس سران حکومتهای سازمان همکاری شانگهای وارد دوشنبه پایتخت جمهوری تاجیکستان شد.
رییس اجراییه کشور در جریان اقامت خود در تاجیکستان در اجلاس سران حکومتهای شانگهای به نمایندگی از جمهوری اسلامی افغانستان سخنرانی میکند. در حاشیه این جلاس رییس اجراییه با رییس جمهور تاجیکستان، نخست وزیران اعضای سازمان همکاری شانگهای و نمایندگان کشورهای ناظر ملاقات میکند. همچنان، رییس اجراییه کشور در باره ضرورت مبارزهٔ مشترک با دهشتافگنی، مبارزه با قاچاق مواد مخدر، همکاریهای اقتصادی منطقهای و نیاز به صلح و ثبات برای دست یافتن به رفاه و همگرایی و اتصال منطقهای صحبت میکند.
در میدان هوایی بینالمللی دوشنبه آقای خدایار خدایارزاده وزیر ترانسپورت و رییس اداره آسیا و آفریقای وزارت امور خارجه تاجیکستان به نمایندگی از حکومت تاجیکستان، آقای سید معصوم بدخش شارژدافیر افغانستان در تاجیکستان و اعضای سفارت کشور جلالتمآب رییس اجراییه و هیئت همراه ایشان را استقبال کردند.
ریاست امور رسانههای
ریاست اجراییه جمهوری اسلامی افغانستان