رییس اجراییه در دیدار با جوانان ولایت بادغیس: برای بهبود وضعیت ولایت بادغیس اقدام‌ می‌شود

دوکتور عبدالله عبدالله رییس اجراییه کشور، روز یک‌شنبه (8 جدی) با شماری از جوانان ولایت بادغیس دیدار کرد.

 

جوانان ولایت بادغیس در دیدار با رییس اجراییه، خواستار رسیده‌گی به مشکلات امنیتی این ولایت شدند. آنان گفتند که حکومت وعده کرده است برای سرکوب مخالفان اقدام می‌کند، باید زوتر عملی شود.

 

این جوانان همچنان خواستار تأمین شفافیت در انتخابات شدند. آنان تأکید کردند که به هیچ صورت نتیجۀ تقلبی را نخواهند پذیرفت.

 

رییس اجراییه کشور از تأکید بر شفافیت در انتخابات و حساس بودن در قبال سرنوشت آیندۀ شان سپاس‌گزاری نمود و گفت که به نهادهای مربوط هدایت می‌دهد تا در راستای مشکلات این ولایت اقدامات لازم نمایند.