رییس اجراییه کشور: در محدودۀ امکانات دولتی به مشکلات تخار توجه می‌شود

دوکتور عبدالله عبدالله، رییس اجراییه جمهوری اسلامی افغانستان امروز (شنبه، 5 دلو) با شماری از بزرگان و جوانان ولایت تخار دیدار کرد.

بزرگان و جوانان ولایت تخار در ارتباط به خدمات دولتی، انکشاف متوازن و درخواست‌های باشنده‌گان آن ولایت از حکومت، با رییس اجراییه کشور صحبت نمودند.

دوکتور عبدالله عبدالله پس از شنیدن سخنان آنان گفت که در محدودۀ امکانات دولتی به درخواست‌های یاد شده رسیده‌گی صورت می‌گیرد.