اجرائیه رئیس په کابل کې د ترکیې سفیر سره وکتل

د افغانستان اسلامي جمهوریت اجرائیه رئیس ډاکټر عبدالله عبدالله نن دوشنبه د (سلواغې ۱۴ مه) په خپل کاري دفتر سپېدار ماڼۍ کې کابل کې د ترکیې سفیر اوزان ار طغرل سره ولیدل.

د ترکیې سفیر پدې لیدنه کې د ترکیې جمهور رئیس او د بهرنیو چارو د وزیر احترامات اجرائیه رئیس ته وړاندې کړل او هم یې د ترکیې په کوربتوب او د یاد هېواد د جمهور رییس رجب طیب اردغان په مشرۍ د انتالیا د پلوماسۍ لومړۍ ناسته کې د ګډون رسمي بلنه ورکړه.

د هېواد اجرائیه رئیس ډاکټر عبدالله عبدالله د دوست او ورور هېواد ترکیې د جمهور رییس بلنه ومنله او ژمنه یې وکړه، چې پدې ناسته کې به ګډون وکړي.

پدې ناسته کې همدارنګه، پر دوه اړخیزه موضوعاتو، د افغان سولې پر روانې پروسې او پر ولسمشریزو ټاکنو بحث او خبرې وشې